港童入侵紐西蘭

2014年2月25日星期二

無諗過會識到好朋友，偏偏會遇到。唔想遇到賤人，總係會遇到。

愛爾蘭妹 ciara 早我一星期黎做reception 之前係澳洲打過工夢想係搵夠錢返鄉下買屋開咖啡店
為人主動但無品幼稚講野會好大聲無節制唔顧人感受
目前廿八歲早幾日同個十九歲奧地利仔roman搞埋左
咁佢就一直都以為自己做recpetion係admin 係高層就算黎幫手執房都會對我呼呼喝喝指指點點我心諗我出黎做野三年都未比人喝過我做野但我念在你膚淺我係個心度笑尻你就算講執房hours我都多過你你有咩資料管我經理同呀姐唔係度都係我in charge 幾時到你出聲總之份人就係賤格啦

佢日日都要搵人吹水但我地成日都要打LOL唔得閒理佢佢照衝入黎係咁講勁嘈
咁其實E間所謂酒店就只係一間backpacker比個大集團distinction group收購左派左general manager JJ(大肥婆)黎搞好佢 D管理有幾差遲下再講但reception就成日出錯明明無雙人房都賣左雙人房搞到我地成日要將D床搬上搬落換來換去
咁我就話 reception邊個落左單就應該自己黎換床而唔係個個D屎都我地食我地人手已經唔夠 (又遲下再講) 咁條八婆就日日係reception無野做走去扭曲我講既野咁總之我經理就話無咁既事啦幫我KO左但佢地就話以後講野小心D 要搵岩人講唔好亂咁同D妹仔講野
我之前有個status就話有人distort人地講野條八婆即刻勁緊張咁問係咪酒店入面D人咁就中左我伏有人作賊心虛引蛇出洞成功

咁自從E件事之後另一個總經理chiere見到我都有D黑面 (但早幾日開始又無事係咁同我吹水) 個肥JJ都有D怪 (但可能關琴晚酒店比人偷野有關影響酒店聲譽佢太緊張太多野煩)

但我就發現其實我真係好易亂估人點諗人地可能只係心情唔好而唔關我事
為免日後再煩我應該要小心揀人講野真係熟左信得過先講
anyway 開多一日工就走人話知佢
但個ciara就唔同其實我可憐佢咁做因為佢好唔想返愛爾蘭愛爾蘭無工開架... 所以佢想盡辦法想討好管理層請佢留係度但佢份約只係請一個暑假之後唔需要佢佢desperate到要搬弄是非XD

題外話，有一個舊同事Terry佢係世界各地都有業務佢每去一個地方玩都會買一D生意黎搞
當然無人明白點解佢要黎做洗廁所但佢講得出我都會信
佢離開左六個星期返黎探我地佢話好少有遇到人好似我咁好傾交換左FB
佢叫我去印尼峇里新加坡香港(玩野咩) 澳洲Brisbane 加拿大都可以同佢講佢會搵人take care我去佢度食住玩澳洲間餐廳宜家係佢個仔RUN緊佢老婆係日本人所以間餐廳係鐵板燒佢知我有諗過移民佢問我去唔去澳洲可以寫我係chef 亞洲人做日本餐廳唔會有人懷疑個Ciara一知佢係brisbane有間餐廳即刻叫人請佢做waiter然後報chef上移民局等佢可以移民=.= 真係好desperate 人地唔肯佢就即刻質疑人吹水@@

對我黎講我真係為左係度行山有份工吊下命體驗下
要搵錢我返香港搵多好多又唔洗執頭髮執房搞到講朋友是非去埋堆太賤格啦
但其實一開始我黎到又係屈係間房係佢主動搵我出去行下我先醒起我係黎玩

2014年2月12日星期三

號外 - 香港好凍洗左我一星期版凍你條毛

事源就咁既，香港就有D凍，咁成個fb就比班友洗版係度呻好鬼凍呀之類。

我都忍得你班友耐啦哥七八度係度呻咩鬼野。

華姐4度都還可以呻下
你班友望下我住E度1160米高原，三面平原一堆雪山呀!

我凌晨五點半起身拖地吸塵，洗廁所清浴缸，開花灑沖水成身濕埋。
倒廚房垃圾行九萬丈遠，太陽都未出呀，臨天光先最凍3度都無。
晏晝執房先攞命，酒店得兩層，中庭露天，根本就係戶外，入房第一件事就係開晒門窗通下氣，有暖氣都無用啦，咪一樣濕身凍住手洗酒杯洗瓦杯洗廁所清浴缸。

你班野懶就懶，凍得你幾耐，老細我依度夏天黎架，我由十二月凍到今日都未開過D 幾多度幾多度post啦，試過陰天左一個星期日日落雨，雙位數字溫度係無可能有添啦。

2014年2月3日星期一

深山野人 - 遊玩篇之Mt Ruapehu Ski Resort

出發時天氣好好

去到山腳，正呀

就到啦

Reception打工既 Ciara

深山野人 - 遊玩篇之Tongariro Alpine Crossing

有兩日假放，點都要HEA下，Tongariro National Park有Great Walk，就係Tongariro Northern Circuit，但就比較少人行，最多人行就係Tongariro Alpine Crossing，都因為咁酒店先咁多人黎，我先有工開。同時係我好想係度打工既原因，因為環境好，人少，仲可以免費跟車去行山。

只要完成Crossing，再另外自己行埋Temma Lakes其實就完成左成個Northern Circuit.
Crossing全長40km，全程都係Alpine，所以勁大風勁曬。

我一直行，去左soda springs，去到south carter轉右上左Mt Ngaurhoe(地圖下方偏右)，高2287米，由於係火山，石尖沙碎，每一步都好似沙灘上面行，超攰，又要斜，加上太陽未燒開D雲，溫度只得零下五度。魔戒，就係度消滅=.=

上山來回3粒鐘

全部都係火山岩

其實真係好斜，插落腳就碌落去

雲散左，但跟住又返黎

沙沙沙，除左沙就係雲

人有三急，萬里無人

只能夠講係好大風，想拎件羽絨同風樓出黎著都差D成件吹走。

上到火山影返Mt Tongariro，真係好高。

最後因為雲厚，我睇唔到仲有幾耐先到頂，時間又唔夠，仲要行多四個鐘先去到終點，所以決定放棄毀滅魔戒，落返山望返轉頭，原來我已經上左3/4，差少少就到頂=.=

行程繼續，去到red crater，好多煙冒出黎，坐上去都幾暖

Red Crater

坐落去係暖架

過左red crater，就到左最靚既三個湖景

拎姐姐粒石出黎吸靈氣

每一個湖，都坐低休息下，吸下靈氣。

最後一個大湖

落山

行到最尾，就入左樹林，經過毛利人聖地，溫泉。由於上年八月火山爆發過，所以一入左hazard zone就唔淮停。

唔知係咪爆發過，河流方向都改變，最後我係樹林要澗水過，好彩我對鞋係可以剷水，好攰，但真係好靚。

深山野人 - 飲食篇

由於最近一個有超市既小鎮都至少半個鐘

我身處National Park Village，去Taumarunui, Turangi, Ohakune都要半個鐘。而300米外間油站賣野價錢係出面一倍有多。例如一碌午餐肉，出面買4NZD 1KG，油站買200g就要3.74NZD。一條蕉1NZD，出面2NZD一抽六條。其他擺得既野，例如面，罐頭，全部雙倍有多。沙律醬3NZD，佢賣8.5NZD。肉類唔新鮮兼夾勁貴，生果一樣。

所以就算渣車出去，油錢來回20NZD，只要買兩三樣野就回本。